影片
更多
2023-11-18
44 浏览
中上環呢頭有唔少隱世小店，呢間日啡夜酒嘅餐廳喺中環半山地段，用上兩層設計，裏面有啲乾花裝飾💐，帶有少少復古英倫感覺。之前嚟過試呢間嘅晚餐，食物質素有水準，今次專登過嚟試佢週末限定嘅Brunch Menu，一次過試多幾款嘢食，仲可以用優惠價$60試埋佢個招牌班戟🤩！------------------------------🍳◖Weekend Brunch◗ $268pp叫咗兩個weekend brunch set，每款都包兩個小食、一個沙律同主食，仲有一杯嘢飲。同朋友嚟，全部都可以試少少，每樣都細細件好精緻，味道賣相都唔錯，打卡一流📸！— ᴛᴀᴘᴀꜱ —🥔◖法式焗千層薯仔◗ 千層薯仔外面焗得酥脆，可以一片片咁樣食，外脆裏面係薯蓉嘅口感，好綿密🍤◖西班牙蒜香欖油蝦◗ 有三隻蝦仁，肉質彈牙緊實，滿滿嘅蒜香🥧◖迷你蘑菇撻◗ 蘑菇撻嘅酥皮脆口，牛油味香濃，淡淡都食到蘑菇嘅香味，成個口感味道都好夾，推薦！🥑◖煎帶子牛油果他他◗ 牛油果混合帶子粒，放喺薄脆上面，牛油果cream嘅口感加上爽脆嘅帶子，口感頗有層次，幾新奇— ᴄʜᴇꜰ’ꜱ ꜱᴇʟᴇᴄᴛɪᴏɴ ꜱᴀʟᴀᴅ —🥗◖中東小米沙律◗ 小米沙
------------------------------
🍳◖Weekend Brunch◗ $268pp
叫咗兩個weekend brunch set，每款都包兩個小食、一個沙律同主食，仲有一杯嘢飲。同朋友嚟，全部都可以試少少，每樣都細細件好精緻，味道賣相都唔錯，打卡一流📸！
— ᴛᴀᴘᴀꜱ —
🥔◖法式焗千層薯仔◗
千層薯仔外面焗得酥脆，可以一片片咁樣食，外脆裏面係薯蓉嘅口感，好綿密
🍤◖西班牙蒜香欖油蝦◗
有三隻蝦仁，肉質彈牙緊實，滿滿嘅蒜香
🥧◖迷你蘑菇撻◗
蘑菇撻嘅酥皮脆口，牛油味香濃，淡淡都食到蘑菇嘅香味，成個口感味道都好夾，推薦！
🥑◖煎帶子牛油果他他◗
牛油果混合帶子粒，放喺薄脆上面，牛油果cream嘅口感加上爽脆嘅帶子，口感頗有層次，幾新奇
— ᴄʜᴇꜰ’ꜱ ꜱᴇʟᴇᴄᴛɪᴏɴ ꜱᴀʟᴀᴅ —
🥗◖中東小米沙律◗
小米沙律好似薏米咁，夾雜着啲爽脆嘅椰菜花，整體比較清淡
🫐◖新鮮雜莓乳酪◗
用上無糖乳酪，加入藍莓粒，酸酸甜甜，充滿奶香
— ᴍᴀɪɴ ᴄᴏᴜʀꜱᴇ —
🥪◖煙三文魚牛油果班尼狄蛋配酸種麵包◗
酸種麵包片塗上牛油果肉，放咗超多煙三文魚喺上面，再加上一隻班水波蛋，蛋漿混合三文魚嘅煙熏香味，同埋酸種麵包嘅麥味，食落唔乾夠濕潤，成個配搭好正！
🥙◖希臘烤羊肉彼得包◗
烤羊肉帶有少少氈味，平時唔食羊肉都接受到，滿滿咁塞咗喺個彼得包裏面，超足料！
— ᴅʀɪɴᴋ —
☕️◖Lychee Olong Blackccino◗
你杯齋啡充滿着荔枝烏龍茶嘅香味，
好fruity ，有少少泡沫喺面，口感特別順滑，香氣有層次！
🍹◖Sesame & Charcoal Latte◗
芝麻味濃郁，但味道會偏甜，建議要攪勻先飲，啲芝麻均勻融入鮮奶裏面，甜度就啱啱好～
— ᴅᴇꜱꜱᴇʀᴛꜱ —
🧇◖英式雜莓吉士鬆餅◗ +$60
班戟鬆餅亦都係佢哋嘅招牌，即叫即整，熱辣辣，一切開啲煙冒晒出嚟，口感鬆軟，蛋香味超濃郁，有少少似食緊蛋糕嘅感覺，配上酸酸甜甜嘅雜莓，不失為一個相對健康嘅甜品選擇！
🌟Encore指數：9.2/10
张贴
