潮龍園

营业中

休息中

加班到好夜，近近哋喺巴士站隔離嘅潮龍園食碗粉先返屋企，八點半嚟到都所有枱有人坐，店員示意自由搵位搭枱都得。坐低一陣就有店員問你食乜嘢，諗緊食雲吞麵好定水餃麵好，再加碟菜同飲品添啦😋⭐鳳城水餃麵最後揀咗食水餃麵，水餃大大隻又飽滿，有鮮蝦、豬肉、木耳絲等，鮮味得黎個皮又滑。麵條就揀咗幼麵，冇鹼水味仲好爽口添😋⭐腐乳通菜再加咗碟灼菜，要咗腐乳通，落完單之後店員就話淨一，通菜真係好受歡迎㗎，尤其是多腐乳醬就更正。⭐凍檸茶再加埋杯凍檸茶走甜，呢餐真係啱啱好😋杯凍檸茶有成四片檸檬，檸味十足🤭食飽飽都係50蚊落樓，好食又抵食😋