Lamlam脷

营业中

休息中

呢排都成日想食千層蛋糕但係又唔想食啲大牌子所以特登去搵一啲千層蛋糕小店嚟食下。今次我哋就搵咗呢一間位於喺旺角嘅lamlam脷試吓，呢排上網都好多人講呢間小店好好食。咁啱今日出旺角咁就試吓傳說中嘅千層蛋糕，我今日就好期待啦結果完全冇令我失望，亦令我有驚喜。今日同表妹上到去都等咗一陣位但好快都有位俾我哋啦。咁今日呢我哋就識咗兩件千層蛋糕，分別係抹茶千層蛋糕同埋伯爵茶千層蛋糕。咁我哋首先講下抹茶千層蛋糕先，抹茶千層蛋糕唔太甜，而且冇有啲舖頭嘅抹茶蛋糕嘅苦澀味。覺得佢嘅茶味岩岩好。另外講吓伯爵茶千層蛋糕啦，我同表妹都好鍾意，因為每一啖都充滿着伯爵茶嘅味道，而且呢兩個千層蛋糕嘅千層皮都比較軟熟唔會好乾嘅感覺