妹記生滾粥品

营业中

休息中

近牌聖誕食得滯，又唔想煮，去開旺角，就食下妹記生滾粥啦。對上一次食都可能係4-5年前，到衣家一樣咁旺，好彩位多唔洗等，難為老師傳，從小弟坐低一刻開始已經未停個手。一個師傅、兩個爐、三個鍋團團轉，出粥速度快得驚人。叫左一個至愛魚腩粥同一份魚皮。魚皮一早預備在雪櫃，加d 薑蔥豉油就食得，魚皮爽脆，爽住薑蔥油香，正！魚腩粥最緊要魚腩夠新鮮，出面雖然周圍有得食，但係不一定新鮮，有時d 肉淋，唔夠新鮮。呢度就爽滑香甜，正。不過粥底略嫌清淡，枱面亦無鹽調味，否則就非常滿足。我隔離果位仁兄一個人食左兩碗要96大洋，大牌檔食粥食到咁…實在唔平！