豊勝手丼 (已搬遷) 新店位置

行開銅鑼灣呢頭，今次發現左間幾正嘅日式居酒屋小店，見門面介紹唔錯，決定試下新野。餐廳門口貼有好多證書，可見佢地選料嚴謹同用日本直送海鮮，質素有保證。餐廳menu選擇亦非常豐富，主打魚生丼，賣相十分吸引。我叫左份壽司併盤set，上面嘅魚生富有亮麗光澤，燈光下睇非常吸引，教人食指大動。壽司飯同魚生比例恰度好處，刺身亦好鮮甜，入口即融。最值得欣賞嘅係呢個併盤包含嘅壽司款式亦非常多元化，滿足曬有選擇困難症嘅我。另外，餐飲我點左時令白桃梳打，桃味十足，芳香味道扣人心弦。經開銅鑼灣一定要黎試下呢間日式居酒屋，包你滿載而歸。