第九味

营业中

休息中

元朗有新開居酒屋呀，有新野就梗係試新野啦，加上今餐係有老闆請我食好西。好，坐低睇下有咩好食先。燒日本鱈魚片，香脆有魚鮮味，送酒一流。鹽焗海花螺，個辣汁好正，仲有好多蒜，浸到成個花螺又辣又香，花螺爽口又冇腥味。三文魚加州卷，三文魚厚厚，卷內裡有蛋蛋、青瓜和蟹柳，好豐富。拖羅蓉卷，多多拖羅蓉，飯卷外邊有香口飯素。日本蠔刺身，生蠔肥美又大隻，蠔食落帶清甜，蠔身有肉又多汁。活赤背刺身，份量都唔少，赤背又爽又彈，切得幾靚鹽燒牛舌芯，叫一串燒物試下。魔女麻醬撈烏冬，烏冬微辣，醬汁夠多，食落惹味。