越風味地道越南料理

营业中

休息中

今日開始凍，放工係街度，一邊等朋友，一邊睇有咩食。行過油麻地呢頭，仲未係好多人，見到有間新開既越南舖，仲寫住地道料理，就同朋友入去試下。佢地老闆好有禮招呼，好彩未係好多客就傾多2句。老闆介紹左咖啡煲，生牛河，同串燒比我地，最後，我地簡左軟殼蟹咖喱煲加蒜蓉飽，雜錦串燒併盤，蒜香牛油雞翼同2個熱既特飲。因為都幾凍，就食多左肉。雜錦併盤，牛肉，豬肉，雞肉，各2串。燒得唔錯，唔會太硬。我自己最鍾意牛肉串，夠入味。但佢旁邊既醃蘿蔔都醃得唔錯wor, 唔覺唔覺都食埋。牛油雞翼好大隻，好熱。擺左係度一陣都仲好熱，好犀利。個軟殼蟹咖喱煲都好夠熱，一路食都仲有煙出，而且隻軟殼好大隻，夾埋蒜蓉飽食都食唔晒。而另外2杯香茅檸檬薑茶同紅棗桂圓茶都好真材實料。即刻暖返。