三人行燒烤店

营业中

休息中

今日同老公去左花墟附近食串燒，呢間係新開嘅串燒店。餐廳環境乾淨，好舒適，冷氣夠。餐牌選擇都幾多，即叫即燒，另外牆上仲有是日海鮮同新品推介。燒雞泡魚乾：味道香，有咬口，點埋旁邊沙律醬好食d。多春魚 (3條)：燒到金黃香脆，可以成條食，外脆內軟，有天然鹹香味道。鹽燒牛舌：厚切有口感，食落一D都唔韌，簡簡單單已經好好食。 雞胸軟骨 (2串)：同平日食開部位唔同，雞胸軟骨較薄，雞肉黐住軟骨，比較有口感，味道甜甜，幾特別。牛油金針菇：牛油味非常香濃，金菇入晒味，鹹鹹地，口感軟軟，推介！燒日本芝士年糕：芝士暖暖，少許拉絲感，口感煙靭。燒饅頭：唔會燒到燶晒， 剛剛好，點少少煉奶就已經ok。蒜蓉燒蠔：蒜蓉味香，但唔會蓋過蠔嘅味道，新鮮帶甜味。燒日本鯖魚：魚已起晒骨，加少少檸檬汁，味道清新。燒雞肶：賣相幾好，燒得好靚，未見過串燒店有得叫，都幾創新。雖然大隻，但火喉控制好好，燒到剛剛好熟透。雞肶肉嫩好滑，多肉汁，外層搽左薄薄蜜糖帶焦香，好好味。香菇炒飯：新品之一，菇味濃，配料有雞蛋同蔥花等，飯唔多油，粒粒分明，味道夠。飲品：老公叫左個雀巢檸檬茶，呢個茶味較濃。我就叫左王老吉，清熱氣。