稻香 (富萊花園) (已結業)

唔經過都唔知原來大埔有間裝修咁中國懷舊風嘅稻香，聽個侍應講原來剛剛裝修完，唔怪得d環境裝修同平時其他分店唔同啦。


時間尚早，我同老公無等特價時段就入左去食

個門口同攞飛等位既大堂裝修好一致，好有中國建築風味。

環境都算闊落

可能未到特價時段，無乜人。

1

飲品區

醬料區

醬料、飲品、食物櫃都放得好整齊乾淨。醬料有好多款式，最特別係有豆醬，點魚類就最好食。

花雕醉雞鍋

$88

打邊爐梗係叫左湯底先，我地揀左花雕醉雞窩。個湯底一攞到黎個面全部都係泡，侍應話係d酒黎既....我心諗：「咁奇怪？Um....好核突，都係𢳂走佢。」𢳂走好多都仲係好多泡，味道偏淡～:(

1

安格斯肥牛

$128

安格斯肥牛，幾新鮮，幾有牛味～

脆鯇魚片

$38

脆鯇魚片，新鮮，真正脆口的～

廣島蠔

$48

廣島蠔，都OK~

其實我仲有叫左個唐生菜，食食下發現有d污糟野痴住，有兩舊菜有一望就見到既黑點同污糟野......賣相亦無咩特別所以無影到。

食飽飽走人已經好多人等緊位，原來稻香夜晚8:30特價時段開始，$138任食，所以勁多人。

總括黎講，如果特價時段$138任食係CP度高既，但正價我諗可以有其他更好既火鍋選擇。