泰亞萊海南雞專門店

营业中

休息中

以前都有買過呢間嘅外賣店，而家轉左位置做仲有堂食位添～之前食過呢間質素幾好，通常都係叫海南雞飯同埋豬手飯～今次我哋再食感覺份量係比外賣多啲，佢擺盤好靚，而且都好肯落汁，白飯轉油飯係唔使錢嘅，而佢既油飯顏色係微黃色～食落有少油香！豬手雖然份量都大，今次質素好似差咗啲肉比較鞋身~加特飲都係架$8，性價比都幾高~~今次食咗少少先記得影相海南雞飯係連埋湯，雞質地依然都係嫩滑嘅，但我哋唔記得影相，不過賣相非常好的！另外我哋仲叫咗一個炸物拼盤，擺盤超靚，有蝦餅，魚餅，炸雞棗，炸蝦卷～全部熱辣辣上盤，脆卜卜，好好食，魚餅味道唔會話好辣！