龍點心 (Eastcore)

营业中

休息中

去親飲茶，燒賣點心就好似例牌一樣，係必叫的！但通常只有兩、三款，唔會有太大驚喜！今次嚟到觀塘嘅龍點心，發現有一系列嘅燒賣，多款不同口味～有個期間限定嘅「港原味燒賣拼盤」就可以滿足下好奇心！6款不同味道嘅燒賣，整體都做到皮薄包住肉汁內餡～最鐘意粟米肉粒燒賣，口感爽彈有嚼勁～甜梅菜扣肉燒賣好特別，甜甜地，好有風味～芫荽馬蹄燒賣幾爽口，香香的～除咗燒賣，仲有叫咗蝦餃，飽滿晶瑩剔透，滿滿嘅蝦肉彈牙～叉燒包鬆軟，肉汁叉燒～肥牛腸粉，肥牛多汁，滑溜腸粉～大澳蝦醬鮮魷卷，香脆，香濃蝦醬～週年三寶，幾得意嘅裝型，抵食之選！