臺北棧 (港威商場)

营业中

休息中

放假當然去間靚靚餐廳chill 下💃 見到啲人就係喺呢個半圓形天燈燈飾同埋漸變色沙發位打卡😍 可惜今日坐唔到打卡位， 不過我地呢張粉紅色沙發位都唔錯啊， 挺有情調❤️✨️肉鬆皮蛋蛋餅 蛋餅厚實軟糯，肉鬆一向係經典口味，加入皮蛋做餡料增添唔少口感，呢個組合好有新鮮感 ! 兩個人食一條都覺得飽肚！ ✨️招牌牛肉麵配牛脂油 （可選刀削麵 或 台灣寬粉絲）碗邊有一舊用牛脂肪做成嘅辣牛油，入口即溶，帶微辣，可以自行加入湯底！牛展肉筋軟肉嫰，寬粉絲質地透薄，食起嚟好滑順，加上本身湯底真係超級濃郁，寬粉索晒湯汁超入味😍 ✨️蒜泥台灣水蓮水蓮爽口清脆，沾蒜泥嘅食法較開胃，就算唔沾蒜泥醬清清淡淡都一樣好食！ ✨️紅豆沙豆乳紅豆沙質感綿密，散發出陣陣豆香味！✨️宇冶抹茶牛乳抹茶味一啲都唔苦好易入口，奶味未算重，兩者平衡得好好。✨️手工鳳梨酥蛋撻港式牛油皮蛋撻x台式鳳梨酥超有新意😍入口超濃蛋香味～連埋鳳梨餡同麻糬，三種層次口感超滿足！必食 😋