神燈海鮮酒家 (18廣場)

营业中

休息中

成日食西餐都食到好悶，終於忍唔住就算兩個人都要食中餐，其實中餐我自己覺得多人食好啲，因為可以試多啲菜式，但喺網上面見到依間中菜廳有黑松露玻璃燒鵝咁創新嘅菜式，就嚟試吓啦。🤩蜜汁脆燒鱔平時食鱔都係日本串燒先會嗌，今次試吓中式燒鱔，果然金黃色嘅表面好脆，而且吸收晒蜜汁，咬落去啖啖肉，冇乜骨，好食！🤩牛魔王叉燒叉燒係傳統嘅中國美食之一，今次真係要試吓係呢間嘅叉燒會唔會考起佢。果然冇令到我失望，普通嘅叉燒都可以煮到令人一試難忘嘅感覺。叉燒肥瘦適中，燒得又脆，調味亦都唔會太甜，恰到好處🤩黑松露玻璃燒鵝喺普通中菜廳食燒鵝就食得多，今次真係第一次食黑松露嘅燒鵝。上菜嘅時候已經聞到陣陣嘅黑松露香味。食落都香黑松露味，配合玻璃面嘅脆皮，真係色香味俱全。🤩豉椒炒蟶子王再試埋佢啲海鮮類嘅食物，蟶子就最考功夫，因為如果炒得太熟嘅話就會韌。好彩廚師到拿捏到時間，食落爽口彈牙，豉椒炒落非常惹味，值得推介。