老媽拌麵 (將軍澳中心)

营业中

休息中

今日去咗將軍澳中心商場購物，晩上就去咗新開張呢間老媽拌麵食晚餐，人頭湧湧，要等十零分鐘先安排入座，呢度由於新張關係，見所有枱椅牆飾等都係簇新四正！整潔明亮！呢度以台灣關廟麵作主食，台式滷水小吃，珍珠奶茶特飲等等，款式也算多！點咗一碗川味紅燒牛肉麵（$72）一份滷鷄翅（$42）飲品就點咗杯台灣仙草茶（$22）好大碗麵，關廟幼麵泡在紅澄澄川味辣油，有些麻辣的感覺，牛肉切薄，腍而香囗，特別是麵條十分有咬口，吃得過引！雞翅膀是滷水浸過，顔色味道都唔錯！台灣仙草茶是涼粉草製作，味甘消暑又解渴，中和剛才口腔麻辣味十分合拍！整體食材製作和味道水準不錯，下次會再來一嚐其他麵食！