Park café

一餐下午茶自助餐，慶祝新一年新開始。食物選擇幾多，有沙律前菜，壽司刺身，熟食熱葷，冰涷海鮮，雪糕甜品等。好彩我留肚連早餐都未食，就係為左呢餐美食。刺身方面有三文魚，希靈魚，𩶘魚同蟹柳。選擇唔算多，但尚算唔錯。三文魚頗厚，油香一般。𩶘魚味道一般。熟食比較欣賞炸蝦同葱油餅。炸蝦炸粉唔厚，幾香脆。葱油餅油香味唔錯，內餡夠jucy.芝士西蘭花一般，草青味強，連芝士味都蓋唔過。冰涷海鮮就要讚下涷蝦，肉質彈牙，我地食左幾round。但涷硯就有少少沙。甜品選擇有10幾種，除左雪糕，仲有唔同款式芝士蛋糕。個人偏好北海道芝士蛋糕，幼滑微甜，唔錯。自助餐整體唔錯，選擇唔算少，味道中上，價錢合理。