牛大人台灣火鍋吃到飽 (大鴻輝(荃灣)中心)

营业中

休息中

牛大人📍荃灣眾安街55號大鴻輝(荃灣)中心16樓收工又嚟食牛大人嘅120分鐘日本A4黑毛和牛火鍋放題，質素依然咁好，我最鍾意嘅黑毛和牛叫幾碟都係咁好食😋肥嫩香口又新鮮。仲有澳洲M9和牛牛丸同鮑魚都係令人食過返尋味。最近推出咗期間限定嘅黑白養生系列，真係每次嚟食都有驚喜。為咗試晒黑白兩個湯鍋揀咗鴛鴦鍋😎黑金蒜皇土雞鍋真係超白濃嘅蒜雞味，淥完啲嘢食基本上已經好入味唔蘸醬汁都好食。雪白御鮮豆腐鍋感覺就更養生，鮮味好重，豆腐白滑，保留更多食物嘅原味。呢個系列仲有啲特色食物，叫晒真係幾飽😂黑系列有雪映山葵豆腐，山葵一粒粒添加口感層次，蟹籽墨汁漿滿滿蟹籽好過癮，鹽酥髒髒雞食嗰陣凍咗，熱啲應該好啲。白系列有藤香鮑魚豆腐，鮑魚爽口彈牙，調味鮮甜好味，同豆腐意外幾夾。鹽酥美乃『雞』，creamy好味😋魚香皮蛋豆腐又係另一番風味，豆腐真係好配搭😆嘢飲有黑白特飲-芝麻豆漿黑旋風，like fb/ig就有😋芝麻香幾出。試埋黑白啤酒半杯晨光．半杯暮色$68 400ml，混合咗少爺啤酒Pilsner與Stout。