影片
更多
2020-01-27
161 浏览
平時星期一至五返完工，星期六瞓到黃朝百晏起身已經好肚餓，就會去屋企附近嘅商場是但搵啲嘢嚟食。之前嘅選擇都不外乎大x活呀，呢啲大型連鎖快餐店。前幾日去咗呢間喺AEON入面嘅大門，諗住試吓新野。店員話，佢哋嘅大門油麵係主打。其實就係一個撈麵，麵條激彈牙有口感，叉燒厚度剛剛好，配上酸辣鹹嘅竹筍同紫菜，配料方面一啲都唔hea！麵條底下就係醬油，就咁食嘅話表演都真係平平無奇。但我望一望張枱上面黐住嘅食用指引，就頓時比人點醒左！原來啱啱同碗麵一齊上嘅蛋黃醬同埋蒜蓉先係重點！😎 我跟住只因上面嘅食法落蛋黃醬同蒜蓉，碗麵即刻增添左不少生色，食落口成個未到嘅層次都豐富晒，原來醬油撈蛋黃醬同蒜蓉嘅味道係咁惹味！我男朋友就叫咗個滑蛋豬扒飯。有試過喺出面食過啲食完上面嗰浸就冇味嘅滑蛋豬扒飯，但係大門嘅醬汁份量十足，食晒成碗都唔會覺得無味。另一樣值得讚賞嘅係佢哋嘅豬扒質地一啲都唔鞋，一樣咁滑。我哋仲叫咗個雞肉腸試吓，佢好特別嘅地方係，每條腸嘅中間真係有雞骨㗎😂😂😂 佢嘅味道同埋質感有啲似台灣腸，甜甜地，啱晒小朋友同埋我依啲好甜之人！點解話佢將會係我新嘅週末飯堂首選，係因為佢嘅環境好闊落，而且仲有一個細細地嘅海景
店員話，佢哋嘅大門油麵係主打。其實就係一個撈麵，麵條激彈牙有口感，叉燒厚度剛剛好，配上酸辣鹹嘅竹筍同紫菜，配料方面一啲都唔hea！麵條底下就係醬油，就咁食嘅話表演都真係平平無奇。但我望一望張枱上面黐住嘅食用指引，就頓時比人點醒左！原來啱啱同碗麵一齊上嘅蛋黃醬同埋蒜蓉先係重點！😎
我跟住只因上面嘅食法落蛋黃醬同蒜蓉，碗麵即刻增添左不少生色，食落口成個未到嘅層次都豐富晒，原來醬油撈蛋黃醬同蒜蓉嘅味道係咁惹味！
我男朋友就叫咗個滑蛋豬扒飯。有試過喺出面食過啲食完上面嗰浸就冇味嘅滑蛋豬扒飯，但係大門嘅醬汁份量十足，食晒成碗都唔會覺得無味。另一樣值得讚賞嘅係佢哋嘅豬扒質地一啲都唔鞋，一樣咁滑。
我哋仲叫咗個雞肉腸試吓，佢好特別嘅地方係，每條腸嘅中間真係有雞骨㗎😂😂😂 佢嘅味道同埋質感有啲似台灣腸，甜甜地，啱晒小朋友同埋我依啲好甜之人！
點解話佢將會係我新嘅週末飯堂首選，係因為佢嘅環境好闊落，而且仲有一個細細地嘅海景睇添！而家周圍咁多病菌，要同人哋迫係一個狹窄嘅環境食飯自己心入面始終都有少少驚，所以我諗未來都係會揀返啲人與人距離大啲嘅餐廳食飯啦😎
张贴
