Table

营业中

休息中

這間位於將軍澳中心中庭位，地點真係好方便，每次經過依間餐廳都發現長長人龍，佢嘅空間感都好正，開放式裝修設計，整體以木系設計為主，帶俾人溫馨舒服嘅感覺，唔會覺得擠迫，啱曬一班朋友慢慢傾計。今次把心一橫去試試，叫左兩個下午茶，佢哋嘅下午茶性價比都幾高，價錢唔算好貴，而且食物份量都算大。百里香脆皮燒春雞燒春雞好大件，但個皮燒得不太脆，肉質嫩滑，配上百里香烤焗，調味唔會太濃，亦都好入味！旁邊還有一碗迷你肉醬意粉同沙律菜伴碟，材料十足。安格斯牛肉芝士漢堡麵包質地鬆軟，牛肉餡料選用安格斯牛肉，牛肉味濃郁，配上新鮮的生菜和特製醬汁，口感十足，上枱時新鮮熱辣，十分好吃。是日餐湯+香蒜牛油手工酸種包蕃茄南瓜忌廉湯，入口順滑，味道濃郁，酸味很突出，配搭香蒜牛油手工酸種包更是美味可口。而酸種包質地鬆軟，外脆內軟帶蒜蓉香味。總結：環境大，乾淨企理，坐得舒服，裝修好靚，服務態度都很好。