開咗咁耐都未去過
趁星期日放假就過去行下食個Late Lunch
見到呢間冰室都幾多人排隊就試下啦😝
都好快15分鐘入去到
由於Menu上有太．多．選．擇！
最後決定跟佢嘅皇牌推介點餐😆
同朋友Share嚟食
常餐D. 王牌特濃沙爹牛肉公仔麵
牛肉好淋冇筋、湯底一個字「濃」！
啱晒我朋友呢啲重口味食肉獸🤣
跟餐仲有炒蛋多士
呢個組合冇得輸
蛋炒得好滑火喉啱啱好😋
王牌推介. 特濃牛乳炒滑蛋叉燒蝦仁雙拼飯
1
見到附近好多客都係食呢個飯
緊係要叫嚟試下🤣
個蛋真係好滑好滑
唯一美中不足係豉油汁唔夠多同濃味
下次再食問下可唔可以多汁先🤤
瑞士汁炒牛河
呢個都唔錯炒得啱啱好
一啲都唔油亦唔會過咸👌🏻
瑞士雞翼
本身想加錢要任食雞翼
但可惜可能太晏所以冇晒啦😭
唯有單點試下啦
雞肉好嫩滑入味
唔會好似有啲冰室咁煮到鞋烚烚
椰汁紅豆冰、凍奶茶
去到冰室必點紅豆冰😍！
❤️❤️❤️超好飲～～大推！
紅豆蓉俾得好爽手
而椰汁都好濃郁
😜凍奶茶都好飲
食完已經超級飽🤪
出去發現原來餐廳有埋王牌冰茶
有好多特色飲品
下次過嚟再試～
