Heart Coffee (已結業)

Brunch time係佐敦附近，當然要試下新開既Heart Coffee。裝修以白色為主，簡單，感覺舒服。食物方面，叫咗個Pulled Duck Leg Eggs Benedict($98)，略嫌鴨肉絲乾身咗小小，Hollandaise sauce亦唔夠。以係外面食Eggs Benedict既水準黎講，確實有待改善。飲品方面，今次叫咗杯手沖Kenya PB($68)，難得坐係bar枱，咖啡師又係我面前沖，手沖係必選吧。不過當日位短髮咖啡師姐姐態度好差下，全程黑面，搞到我都唔敢問佢多兩句。講返杯手沖，都唔係好飲得出menu上所寫既almond, stone fruit同berry味，比較似飲緊苦茶。手沖咖啡既味道係會隨著咖啡師當時當刻既心情而變，呢日我都試咗人生中最難飲既Kenya。整體用餐經驗，進步空間仲好大，環境唔錯，食物好一般，手沖咖啡可以用難飲黎形容。作為一位自費既客人，飲咖啡都要睇咖啡師面色，實在可悲。如果下次再訪，都係呢位短髮咖啡師姐姐企bar枱的話，真係要三思。