刺身拼盤方面：帆立貝刺身大大粒有咬口、三文魚腩有質感，非常新鮮、各種貝類爽口，有海水嘅香味；黑松露油甘魚壽司，松露味特出，魚香出色。
邊爐方面：壽喜燒湯底味道濃烈，十分濃縮、完全唔使點醬，炸魚皮香口，估唔到嘅係美國肥牛，如此有肉味，仲要唔韌，簡直係意料之外。
牛油栗米份量十足，粟米甜味出眾。
炸吉列廣島蠔，蠔味出色，外層鬆脆。
胡麻醬冷烏冬，烏冬彈牙、胡麻味十足，好清新，有解膩之效。
鮑汁娃娃菜，唔會太咸、清甜，娃娃菜煮得好淋、夠哂入味。
燒物方面：燒牛舌，厚度適中、孜然味出眾；鐵板和牛粒，紅椒味濃，生蒜做點綴有鑊氣。
避風塘一口豆腐，比較清淡唔會太膩，份量適中。
甜品方面，炸韓式鮮奶，外脆內軟，鮮奶喺麵包般嘅脆皮之下流出，十分誘人，絕對係今日嘅MVP!!!!! 紅糖糍粑，黑糖一咬就爆，外層酥脆，中層有麻糬質感。
2
