House FiftyEight

营业中

休息中

約咗朋友喺觀塘聚會， 電訊數碼大廈好多好嘢食， 朋友介紹的這間西餐， 環境闊落仲有 飛鏢機， 真係非常之完美。蝦多士～炸雞軟骨～炸魚手指happy hour小食拼盤 做優惠， 大大盤 size份量十足， 蝦多士鬆脆 蝦肉彈牙。 炸魚手指 好香脆，魚肉鬆軟， 有好多條。 最邪惡就係炸雞軟骨， 又香又脆， 好味道停唔到口。 這些都好啱配啤酒，但係因為揸車所以我哋只係飲果汁。 見到隔離枱一杯接一杯的啤酒， 真係好爽。煙三文魚海藻沙律香脆小食之外，叫咗個沙律平衡下， 唔同顏色嘅海藻原來都幾好食， 醬汁酸酸甜甜 好清爽， 加埋煙燻三文魚， 真係唔錯嘅配搭。西班牙橡果黑毛豬鞍好嫩滑嘅慢煮豬鞍， 肉質柔軟多汁， 豬肉味濃， 微微的香烤 炭香， 重點係焦糖菠蘿非常好食。 配菜都好用心， 小蕃茄～蘆筍 ～粟米仔 ～薯仔 ～意大利黃瓜， 每款都好好食。