一坐下，飢餓嘅我哋即刻點咗沙律配炸雞脾同招牌厚豬扒。
炸雞脾外皮酥脆，內裡多汁，配上清新沙律，瞬間解膩；
厚豬扒更加誇張，足足「大過我塊面」，醬汁濃郁，一咬汁水四溢，朋友笑言要用兩隻手先拎得起！
意猶未盡，我哋豪氣再加燒BB鴿、一口西多士同奶油豬。
燒鴿皮脆肉嫩，香氣逼人；
西多士金黃香脆，可惜無花生醬，略為遺憾；
奶油豬係全場焦點，大到蓋過手掌，甜而不膩，惹來全桌驚嘆！
食慾未止，我哋再加碼招牌厚豬扒配醬脆豬包同沙嗲牛肉麵。
沙嗲牛肉麵湯底微辣濃香，牛肉軟嫩入味；
炒蛋配厚多士則是港式早餐嘅經典回憶，軟滑香濃。
喺冰室嘅懷舊燈光同人聲鼎沸中，我哋邊食邊聊，兩小時一閃而過。
臨走前，Order咗厚豬扒包同沙嗲牛肉麵，拎返屋企同家人分享，一舉兩得！
5計外賣食品價錢. 都是3百多元. 可以食到7款食品加3杯飲品. 好親民價。
元朗冰室唔單止填滿咗我哋嘅胃，仲勾起咗對港式茶餐廳嘅無限回憶。下個星期六，仲要再戰！
