札幌拉麵 Miso No.1

营业中

休息中

今日難得有假放，見天氣涼涼地就諗住陪仔仔出去荃新天地買下冬天衫，啊仔話想食日本拉麵，問下reception，佢地推薦這間便來試試。黎到門口見到成間鋪到有好濃嘅日本風，有D感覺真係以為去左日本呀！入面裝修整潔，地方雖然唔算係好大但座位都坐得好舒服。服務員即刻好貼心咁拎左兩杯上比我地，笑住口咁好有禮貌。我地叫左好多野食，叫左佢地嘅招牌牛油拉麵、鰻魚飯，仲叫左牛舌、餃子、雞軟骨同雞翼依幾款小食。等左冇幾耐啲野食好快咁送來，本來我覺得牛油同拉麵依個組合好奇怪，但既然佢係招牌所以就膽粗粗咁叫左黎試，佢係將一粒牛油放喺啲湯到。意想唔到牛油同個湯底咁夾，啲麵又軟硬適中，最尾我差唔多飲曬啲湯！仔仔個鰻魚飯都係招牌黎嘅，一打開個蓋，大大條鰻魚鋪喺面到好吸引，加埋啲鰻魚汁簡直絕配！啲小食都比想像中大份又好食，尤其係個雞軟骨同餃子，餃子啲餡料好飽滿、足料，啖啖都好滿足，啲雞軟骨咸咸地咁好正！我地食左咁多野都總共係二百幾咋！好平好抵食！店舖位置方便就腳，如果有幾會我都會再去食！