CA Restaurant & BAR

每樣菜式個名你都聽過，但係烹調手法好獨特，好有創意，新鮮感爆棚！帶朋友嚟食，慶祝生日各樣，正！（自己偷笑🤩🤩🤩）今日同女朋友嚟，佢同我慶祝生日。🎂🥳🥳🥳乜嘢「仙鶴神針！」個名奇奇怪怪，原來係乳鴿去骨後，內藏鮑魚+魚翅（素）。好好味！真係未食過！女朋友話要提早預訂嘅，心意加驚喜滿滿！銀鱈魚個皮好脆！知道個廚師刻意煎得啲肉好滑，冇諗過滑成咁嘅樣，好似蒸到啱啱僅僅熟咁樣，好滑好滑，仲有銀鱈魚嘅滑溜。仲有個奶凍，甜品，大家都食過嘅味道，但係佢做得好精緻。原來老闆係喺法國藍帶自己學完返嚟搞嘅。唔怪之得！