味火鍋 (華僑商業中心)

搵到間旺角樓上火鍋店，性價比算高仲要有超長時間火鍋放題。套餐火鍋主推四部曲「精選頭盤+皇牌火鍋拼盤+無限時任飮任食」🥢第一部曲：揀了味火佛跳牆 + 黑松露芝士焗生蠔。佛跳牆都算足料。生蠔有3隻，夠鮮味同大隻🥢第二部曲：差唔多十幾種湯底，仲係免費雙拼。我地選擇左豆乳海鮮和香濃沙嗲。味道都幾好~🥢第三部曲：時令海鮮拼盤 拼 美國安格斯牛肉拼盤。 最驚喜係聖子成隻手掌咁大隻，而海鮮都好多唔同款式都好新鮮。牛肉拼盤就有牛肩胛、封門柳、牛板鍵，肉質肥瘦均勻～牛肉味濃，而且仲好嫩。全部都好高質，好新鮮。我同朋友都覺得，其實單單皇牌拼盤都已經飽咗大半🥢第四部曲：精選火鍋配料。火鍋配料當然係任叫。款式應有盡有。🥢飲品方面亦有汽水和茶類等等選擇。最後，提提大家要訂定位，同埋要拎埋份雪糕，係Movenpick呢