良鮨壽司

营业中

休息中

前幾日同朋友嚟到大埔呢一間良鮨食日本菜，喺大埔火車站行10分鐘到就到。店舖環境都幾企理。入到去坐低，佢會比張qrcode你電子落單，好先進，比起傳統用紙落單亦更加環保。我同朋友都好肚餓，所以就急不及待咁叫咗個蕎麥麵、紫薯餅、蟹膏蟹肉手卷、炸魷魚鬚、玉子燒，仲有一系列嘅手握壽司。整體食物都幾好食，令我留下最深刻印象嘅莫過於火炙帆立貝同鰻魚壽司，帆立貝大大粒，厚肉身，食落好滋味。而本身就勁鍾意食鰻魚嘅我都覺得呢間嘅鰻魚壽司好有水準，鰻魚魚肉厚身，無骨，鰻魚肉唔會林啤啤，食得出係新鮮嘅食材，配上適量嘅鰻魚汁，真係好好食呢！最後食咗勁多野，買單都唔使$400 ，又幾抵喎。下次再嚟要喪食鰻魚壽司同帆立貝壽司。