醉標泰粵小廚 (已結業)

疫情未開始時黎呢間食過，餐牌上都有幾多款式，老板介紹我地食酸菜魚，我地仲點左蒜蓉包、肉碎生菜包。香脆蒜蓉包：蒜蓉包整得好香好脆，想食完再食，不過要留返個肚食主菜！惹味酸菜魚：酸菜魚份量好多，落足料，入面有好多酸菜同埋魚肉！最正係個湯底，食之前飲左幾啖魚湯先，魚湯酸酸辣辣，非常醒胃，好適合送飯！我同朋友都好鍾意食酸菜，酸度適中，可以中和返辣味，好開胃！裡面有好多魚肉，已經去好骨，味道好鮮甜！肉碎生菜包：肉碎好香口，加埋爽脆嘅生菜一齊食好正！我同朋友都叫左椰汁飲，我叫左椰汁冰，好有椰香味，非常消暑解渴。朋友叫左椰汁珍多冰。