個名叫做開餐 好得意😆
兩個人試左酸菜魚片湯河同懷舊豬油渣撈飯配燒原片五花腩已經食到好飽😂
豬油渣撈飯既豬油同白飯比例幾完美
雖然係豬油但食落唔會覺得太油膩👍🏻
(我口多多食咗粒豬油乾就成口油🤭)
燒原片五花腩簡直係呢個餐既重點😍
五花腩上塗左醬油同白芝麻
醬油唔會太咸亦都唔會搶左五花腩既肉味😋
五花腩外層燒到少少脆
咬落去有好多肉汁 肉質唔會太韌
個人認為燒得剛剛好🤤
五花腩肉嘅豬肉味都好濃郁👍🏻
酸菜魚米粉果然係熱門菜式
湯底酸甜配合得不錯
辣度係屬於小至中辣🌶🌶
可惜冇乜魚湯味道 主要酸同辣
魚片好滑 有魚味 但略嫌份量較少
可能兩個人食嘅關係
每人只有三塊魚片食落唔夠喉🥺
河粉份量就好足夠啦👍🏻
仲有後面兩支明目圓肉杞子蜜
味道好濃同埋相對鴻福堂個啲甜啲
最鍾意飲完之後個樽可以重用做自己嘅水樽💛
希望下次去食可以試多啲其他小食
睇落都好正呀😍
