呢度嘅午市火鍋放題都幾抵，我哋叫咗個Level 2 嘅美國Prime Grade 牛肩胛肉任食套餐($198)，另外都額外加咗$40追加海鮮
湯底種類多，有成20款湯底，有辣有唔辣，仲有啲係養生嘅湯底，我哋最後揀咗胡椒豬肚雞鍋，湯底嚟到見到勁多雞件同豬肚，雞肉仲要幾嫩滑，湯頭鮮甜好香🤩
食材多元化，我哋都點咗好幾款，一開始緊係要試吓Prime Grade牛肉片，肥瘦平均，肉質唔錯，食落有油脂香👍🏻而無激素豬肉片食得夠安心之餘，肉香都幾好，唔會嚡熠熠
海鮮叫咗海蝦、帆立貝、花膠、黑毛肚等等，賣相都唔錯～可以一試
另外佢都有一啲自家製系列幾特別，例如手打梅菜豬肉丸、手打墨魚丸、手工黑松露墨魚滑、手工餃等等
飲品種類都有好多，除咗有一啲大路嘅飲品外，仲有自製嘅烏梅山楂茶、台灣黑糖冬瓜檸檬茶、各類的冷泡茶，好正🥰🥰
1
最後緊係有雪糕作結，可以揀一款，有Movenpick, Haagen Dazs, Dryers ，真係好抵食！推介～
