稻田食堂

营业中

休息中

朋友帶咗我去佢屋企附近嘅呢間街坊日式餐廳，估唔到又幾有驚喜喎。假日六點左右去到都已經好旺場，基本上都keep住坐滿，外賣單都好多，但上菜速度都keep到正常，勁！赤身三色丼佢入邊有吞拿魚，三文魚，帶子。魚生新鮮同埋都算厚切，三文魚超肥美。壽司醋味嘅飯好好食，味道適中。仲配上三文魚麵豉湯，入面都好多料。春田便當個人超級推介叫便當，佢價錢由八十幾到一百頭左右，一個便當已經有幾款送，有啲仲有刺身同埋壽司。 呢個春田便當有蒲燒鰻魚1客，照燒脆骨雞肉丸子1串，刺身三種（三文魚2件，帶子2件，有頭甜蝦1隻），咖喱飯，味付螺肉。佢便當嘅份量都好多，便當配嘅刺身都唔少㗎，刺身仲要好新鮮，男仔呢個便當都一定食得飽。佢個咖喱飯都好好食，日式甜咖喱帶少少辣度，鰻魚都唔Hea，好送飯。