影片
更多
2022-05-13
73 浏览
好味指數😋😋😋回頭指數 ⭐️⭐️⭐️開心指數🤗🤗🤗 法式布丁麵包嘅熱潮都興咗好一陣子，作為善忘嘅香港人，呢個熱潮到依家都仲未退，當然好多人都會講某一間嘅係最好食，但係上網睇，又有好多人講呢間響朗豪坊隔離嘅麵包店都好多人排隊，咁啱去開附近就去試下買唔買到啦！ 網上話佢每日下晝3點就出爐，會有人排隊，我就大概3:50pm 到，仲可以買到，網友comment 值得一試嘅朱古力味就得返兩個，我就買咗一個原味同一個朱古力味試吓。 開出嚟睇下，賣相唔算十分精美，睇得出兩個味嘅法包外觀都唔太一致，切口亦唔太整齊嘅。因為買嘅時候已經唔熱，敲落去個法包度試下質感已經淋淋哋，就用氣炸鍋焗咗4分鐘。 🍴原味法式布丁麵包 ($15)法包本身比較薄，只有外皮唔算多麵包肉，焗完之後會好香脆，不過缺少咗軟包口感嘅部分。布丁好滑，好 creamy，奶味都幾香，整體上布丁味道係唔錯嘅！ 🍴朱古力味法式布丁麵包 ($18)跟住就試埋朱古力味，網友寫呢款係唔可以錯過嘅，我都幾熱切期待。不過食過之後，我個人覺得有少少失望嘅，因為個朱古力味係似一排排平價牛奶朱古力嘅味，朱古力味唔香濃，朋友仲笑話好似食緊一大舊美綠咁，其實都幾似！😅可
回頭指數 ⭐️⭐️⭐️
開心指數🤗🤗🤗
法式布丁麵包嘅熱潮都興咗好一陣子，作為善忘嘅香港人，呢個熱潮到依家都仲未退，當然好多人都會講某一間嘅係最好食，但係上網睇，又有好多人講呢間響朗豪坊隔離嘅麵包店都好多人排隊，咁啱去開附近就去試下買唔買到啦！
網上話佢每日下晝3點就出爐，會有人排隊，我就大概3:50pm 到，仲可以買到，網友comment 值得一試嘅朱古力味就得返兩個，我就買咗一個原味同一個朱古力味試吓。
開出嚟睇下，賣相唔算十分精美，睇得出兩個味嘅法包外觀都唔太一致，切口亦唔太整齊嘅。因為買嘅時候已經唔熱，敲落去個法包度試下質感已經淋淋哋，就用氣炸鍋焗咗4分鐘。
🍴原味法式布丁麵包 ($15)
法包本身比較薄，只有外皮唔算多麵包肉，焗完之後會好香脆，不過缺少咗軟包口感嘅部分。布丁好滑，好 creamy，奶味都幾香，整體上布丁味道係唔錯嘅！
🍴朱古力味法式布丁麵包 ($18)
跟住就試埋朱古力味，網友寫呢款係唔可以錯過嘅，我都幾熱切期待。不過食過之後，我個人覺得有少少失望嘅，因為個朱古力味係似一排排平價牛奶朱古力嘅味，朱古力味唔香濃，朋友仲笑話好似食緊一大舊美綠咁，其實都幾似！😅
可能只係我個人對特濃朱古力或高% 朱古力比較有興趣嘅關係啦。
如果唔使排隊嘅，都可以試吓，如果要排隊的話就唔算好值得排啦，因為都幾平平無奇。
张贴
