食物有太多選擇所以決定試吓個新沙洞二人套餐$368 ，有主食、魚糕年糕湯、炸雞、甜品同兩杯嘢飲，好似幾抵。
韓式牛肉拌飯好classic，唔使加額外醬料已經好夠味。
魚糕年糕湯比較淡口，蘿蔔幾甜，整體感覺唔算太特別。
反而炸雞有驚喜，外層酥脆肉質Juicy，甜辣醬包滿酥脆嘅炸雞，冇得頂！
半份 Tiramisu 係近排超hit嘅croffle底，有牛角酥皮嘅牛油香同crispy口感，再搭幼滑嘅Tiramisu coating，正！
藍柑橘白桃梳打特飲同西柚梳打特飲賣相非常討好，打卡一流！
總括而言，食物一般，炸雞同甜品比較出色，印象最深刻嘅應該係佢個冷氣壞咗，成餐飯熱辣辣，夏天真係唔係好掂😂
