一去到嘩！真係穿越左去上世紀咁 冰室比我想像中細好多 只有3 set卡位 中間有兩張大枱 不過放滿雜物 睇黎唔係比客人坐既 環境雖小 但十分寧靜 入到去腳步都想放慢d
專情去咁舊既冰室 叫多左幾款食物試 menu主要係麵食同包類 其實都唔多選擇 我都差唔多叫晒主打既野
🐮沙嗲牛肉麵
味道完全唔係平時食開茶餐廳個款 個汁係店主自己調 香味十足十 牛肉用鮮牛 份量足 麵質煮得好好 少少彈牙 佢冇出面整得咁濃郁 但我就幾鍾意❤️
包類
菠蘿油同西多 菠蘿油一般 個包有少少隔夜既感覺 比較硬身
西多係家既感覺呀😍😍係舊式既西多士 清楚睇到係由白方包沾蛋煎成既 依家出面已經好少有 佢未必係超出色既西多 不過絕對係有溫度既西多 🤎🤎🤎～！
飲品
奶茶 咁舊既冰室杯奶茶竟然超！普！通！😳真係算唔好飲 可以不試
黎到咁有時代感既餐廳 緊係要叫返杯舊時好興既窩蛋牛奶🥛第一次飲 幾特別 飲落好滑好香
