大門拉麵 (屯門市廣場1期)

营业中

休息中

現在香港，拉麵店真係區區有。吾講最集中既銅鑼灣，吾知真係以爲去左日本。反而係屯門市廣場，最近就有一間拉麵店，亦都係標榜產地直送。今次就係來自琦玉縣（好似係）。在門外看，裝修都幾有日本特色。一部大電視播住日本製作過程，都幾有氣氛。湯底製作係認真既，亦都押上創辦人的榮譽，呢下真係日本人最拿手。點都吸引左眼球先。對我來講，食物最實際，叫得大門拉麵，試番一碗絕對合理。賣相係對辦既。先試試啖湯頭，夠濃郁之餘，味道吾會話太咸。有時香港人同日本人口味係有分別，但呢個湯頭可以平衡到。木魚味道頗重。反而想講下麵條。同出便食可以揀粗幼軟硬不同, 呢度既拉麵只有一種粗幼度，而且係頗爲粗既添，好有煙靭咬口感覺。但喜歡幼身麵條既朋友就可能會失望。我自己就無所謂，重覺得幾好味。價錢方面真係幾震撼，$48，以呢碗面既水準，吾敢話冠絕全港，但係以CP值來講，一定係超高。見到同場其他食客食緊都有沾麵，呢間應該幾正宗。決定下次再來試其它。