😎一直都搵緊好食既片皮鴨，想要淨係得皮唔連肉既。但我都知道比得起錢自然會有。不過今次係酒樓既價錢$128/例。
先講個鴨，皮又脆又大塊，入口唔算好油，但有啲啲甘香既油脂，就冇鴨"酥"味。食到停唔到口。
佢仲有鴨肉墊底，試左一下幾嫩口，唔會好乾好咁，連肉都食晒冇得剩。
再講返個TEA SET，$129係2位既價錢仲包左茶位同加一，所以人均$65就有一碗糖水，面/飯，2款小菜，4款點心。大家樂一個焗豬都差唔多價。
tea set 味道上係小籠包最好食，皮薄多肉汁。
其次係回鍋肉，個調味好足夠。其他就中規中矩，以依個價錢黎講係抵食。
小提示：觀塘店個大廈仲裝修緊，超嘈，唔建議去。其他門市都可以👍
1
