山城小麵 (T.O.P This is Our Place)

营业中

休息中

天氣實在太熱，行行下商場都唔想出去搵野食，直接係food count解決就算，呢個food count都幾多野食，最後擇左呢間「山城小麵」，睇啲人既麻辣好似幾正咁😁.叫左個「山城2人餐$138 」有2碗麵、2個小食、飲品同冰粉。我地叫左「正宗酸辣粉」同「紅燒肥腸麵」，麵係可以擇粗幼麵，酸辣粉就係紅薯粉底。酸辣粉味道夠辣正宗，紅燒肥腸麵好特別，一半係辣一半係麻醬，感覺有啲似擔擔麵feel. .跟餐送兩個小食好抵食，「尖椒皮蛋」同「手拍青瓜 」出面叫都要20幾蚊一個小食，呢2個小食都係同一隻醬料，麻香味夠重。最後仲包括飲品同紅糖冰粉 。