兩草 (棉登徑)

营业中

休息中

餐廳位於K11附近，非常方便。係尖沙咀可以兩人二百都唔洗，食得豐富又滿足，仲要呢間有做埋早餐，可以話係平民恩物，已成為我既飯堂之一。✨胡椒肉骨茶 $38肉骨茶肉香味濃，飲落溫順回甘，好舒服。舊肉愈食越香，輕輕一咬，肉就甩。✨叉燒麻辣撈麵 $45有兩款(豉油/麻辣)選擇，揀左麻辣味，油香四溢，少麻少辣，令成碗麵更惹味。叉燒鮮嫩唔乾，偏好呢種肥瘦程度。而麵質地口感好好，煙韌彈牙。✨咖央多士 $25多士一上枱要即食，雖麵包簿身，但夠酥脆，再配上滿滿半溶既牛油加咖央醬，食落濃郁牛油香帶甜，回味無窮。✨肉餅煎蛋飯 $42肉餅好厚身，半肥瘦肉食落唔乾。燶邊太陽蛋，順滑蛋黃配上濃厚豉油撈飯食，即刻回想細個食既飯，令人陶醉。✨樽仔奶茶 $25樽仔奶茶茶味濃郁，入口順滑，不帶苦澀，甜度剛好。