影片
更多
2024-09-22
197 浏览
今天同朋友去佐敦親友屋企打麻雀，到食晚飯時就係附近搵吓嘢食，我朋友喜歡食車仔麵，親友就介紹附近有間好食嘅車仔麵餐廳，這間餐廳叫永年士多，位於佐敦彌敦道380號香港逸東酒店地下1號舖，港鐵佐敦站B1出口，行幾分鐘就到，非常方便。這間餐廳嘅車仔麵我朋友話係銅鑼灣都食過，佢話非常好味好食。餐廳個招牌都很顯眼，令人一眼就見到，餐廳內環境非常寬敞，裝修好靚又新淨，亦有好多打卡嘅位置，好適合客人嚟打卡，枱凳都好闊落，令人坐得舒服，店員有禮貌，服務態度好，來這裏食都不錯。餐牌上主打食品係車仔麵，其他有小食、蔬菜、多士和飲品，亦有特惠的經典麵食，加少少錢就有埋小食同飲品，價錢真係好抵，仲有十二款嘅車仔麵選擇，每款車仔麵喺主牌上嘅賣相好吸引，睇到就想叫來食，我哋都選咗一陣就叫咗高佬發辦和至尊面，因為唔貴價仲叫埋車仔小食嘅生菜魚肉，亦叫埋飲品熱柚子蜜。首先來高佬發辦，份量不少，有豬腸、豬紅、豬皮、雞翼、冬菇、豆卜、菜心，我選了粗麵，滷水湯底香濃，豬腸洗得乾淨， 顏色夠深，夠晒爽口入味，豬紅厚實多汁，豬皮好淋好味道，雞翼又大隻厚肉，淋身好好味，冬菇、豆卜、菜心都全吸入湯，食落好有香味，粗麵口感爽滑彈牙，真係
今天同朋友去佐敦親友屋企打麻雀，到食晚飯時就係附近搵吓嘢食，我朋友喜歡食車仔麵，親友就介紹附近有間好食嘅車仔麵餐廳，這間餐廳叫永年士多，位於佐敦彌敦道380號香港逸東酒店地下1號舖，港鐵佐敦站B1出口，行幾分鐘就到，非常方便。這間餐廳嘅車仔麵我朋友話係銅鑼灣都食過，佢話非常好味好食。餐廳個招牌都很顯眼，令人一眼就見到，餐廳內環境非常寬敞，裝修好靚又新淨，亦有好多打卡嘅位置，好適合客人嚟打卡，枱凳都好闊落，令人坐得舒服，店員有禮貌，服務態度好，來這裏食都不錯。
餐牌上主打食品係車仔麵，其他有小食、蔬菜、多士和飲品，亦有特惠的經典麵食，加少少錢就有埋小食同飲品，價錢真係好抵，仲有十二款嘅車仔麵選擇，每款車仔麵喺主牌上嘅賣相好吸引，睇到就想叫來食，我哋都選咗一陣就叫咗高佬發辦和至尊面，因為唔貴價仲叫埋車仔小食嘅生菜魚肉，亦叫埋飲品熱柚子蜜。
首先來高佬發辦，份量不少，有豬腸、豬紅、豬皮、雞翼、冬菇、豆卜、菜心，我選了粗麵，滷水湯底香濃，豬腸洗得乾淨， 顏色夠深，夠晒爽口入味，豬紅厚實多汁，豬皮好淋好味道，雞翼又大隻厚肉，淋身好好味，冬菇、豆卜、菜心都全吸入湯，食落好有香味，粗麵口感爽滑彈牙，真係好正嘅車仔麵，而朋友叫嘅至尊面有豬手、雞翼、魚蛋、豬腸、豬紅、豬皮、白蘿蔔、菜心，份量亦不少，真係令你食到飽，朋友加咗小嫩同選咗幼麵，佢好鍾意車仔麵嘅滷水湯底，濃郁小嫩，配料中豬手最出色，肉質軟淋及入味，陣陣南乳香，魚蛋軟滑彈牙，白蘿蔔好清甜不錯，連埋幼麵夠彈牙好配搭來食。
小食嘅生菜魚肉，魚肉好彈牙大大粒有驚喜，有好多新鮮生菜，放落麵一齊食好正，車仔麵同熱柚子蜜好配，完全話有無口乾口渴。最後我哋叫紅豆冰做甜品，開頭我都以為會太甜，但完全唔係，甜度啱啱好，朋友飲一杯懷舊紅豆冰，大大粒紅豆，軟綿綿，好香甜，與淡奶一齊拌勻，口感幼滑，細膩可口，我就飲抹茶紅豆冰，真係好似日本嗰種抹茶味，飲完超滿足。
這間好味道嘅車仔麵餐廳好值得推薦俾大家，食物質素高，價錢又唔貴，好食又抵食，我哋下次一定再嚟食。
张贴
