越湯 (已結業)

餐廳舖位唔算好大，位置都唔太多，但坐得十分舒服，而且好鍾意佢嘅佈置，感覺好溫馨。店員親切有禮，會主動推介特色食物， A5和牛生菜包就係佢哋推介完所以叫既😆A5和牛生菜包：同出邊一般食到嘅生菜包唔同，出邊通常都係豬肉或者雞肉，佢係用A5和牛做肉碎，食落好重牛味，食落都唔會太辣，包埋生菜食好夾。越泰路邊烤雞肝串：口感食落粉粉嫩嫩，唔太會有苦味。惹味爽口雞腎串：雞腎好爽，唔會燒得太乾，配埋佢個醬汁更加惹味。順化豬肉卷串：油脂比較豐富，經過醃制同調味既既豬肉味道夠地道，算係比較有特色既串燒。外脆內軟豬頸肉拼香茅雞扒撈檬：豬頸肉外焦内軟，雞扒好厚肉，而且份量十足，撈檬本身仲有青瓜絲、酸蘿蔔絲、生菜絲等等配料，落埋撈檬汁一齊撈埋食，酸甜開胃。越式米紙春卷拼雞翼咖喱飯：咖喱好香，食落唔會辣，米紙春卷炸得好酥脆，雞翼外皮焦脆，連埋咖喱汁好送飯。