影片
更多
2021-11-25
44 浏览
東南亞菜不嬲係我杯茶，耐唔耐就會想食一餐知道安南哩間越南菜餐廳幾出名，就黎試下「安南」原來係越南既古稱，作為法國曾經既殖民地，形成左獨特既飲食文化，所以係越南餐廳入面會出現帶有東方同法國色彩既食物 鮮蝦米紙卷 $48米紙卷入面有蝦、青瓜條、生菜、檬粉同紅蘿蔔絲鮮蝦大隻、厚肉，肉質彈牙。最貼心既係蝦腸都挑埋，可以放心食！青瓜條、生菜新鮮爽脆，增加口感，又做到refresh既效果檬粉份量頗多，米紙卷好大卷。似係小食，但食完都會有飽足感最欣賞米紙韌度十足、有咬口，沾埋魚露酸甜汁一齊食好開胃。味蕾、口感層次都超豐富 越式蒸粉卷(4件) $48粉卷皮呈透明狀，皮薄而不失口感，質地尚算滑身餡料豐富，每樣都切到差唔多大細、好易入口，調味恰到好處。點撈檬既酸甜汁食，味道會更好！ 雞絲撈檬 $58份量足料，一個人食曬會超飽檬粉爽彈、易入口；雞絲味道正常、唔會過鞋同米紙卷一樣都有青瓜絲、生菜絲同酸蘿蔔絲清爽脆口，無負擔 咖喱牛腩配法包 $60咖喱香料味重，味道唔算好辣，質地濃稠、唔係偏水既咖喱 牛腩份量好多，起碼有成七、八舊，每舊都頗大。肉質稱唔上軟淋，可能選用部位脂肪較少，食到一絲絲既肉。略嫌牛腩唔夠入
東南亞菜不嬲係我杯茶，耐唔耐就會想食一餐
知道安南哩間越南菜餐廳幾出名，就黎試下
「安南」原來係越南既古稱，作為法國曾經既殖民地，形成左獨特既飲食文化，所以係越南餐廳入面會出現帶有東方同法國色彩既食物
鮮蝦米紙卷 $48
米紙卷入面有蝦、青瓜條、生菜、檬粉同紅蘿蔔絲
鮮蝦大隻、厚肉，肉質彈牙。最貼心既係蝦腸都挑埋，可以放心食！
青瓜條、生菜新鮮爽脆，增加口感，又做到refresh既效果
檬粉份量頗多，米紙卷好大卷。似係小食，但食完都會有飽足感
最欣賞米紙韌度十足、有咬口，沾埋魚露酸甜汁一齊食好開胃。味蕾、口感層次都超豐富
越式蒸粉卷(4件) $48
粉卷皮呈透明狀，皮薄而不失口感，質地尚算滑身
餡料豐富，每樣都切到差唔多大細、好易入口，調味恰到好處。點撈檬既酸甜汁食，味道會更好！
雞絲撈檬 $58份量足料，一個人食曬會超飽
檬粉爽彈、易入口；雞絲味道正常、唔會過鞋
同米紙卷一樣都有青瓜絲、生菜絲同酸蘿蔔絲
清爽脆口，無負擔
咖喱牛腩配法包 $60
咖喱香料味重，味道唔算好辣，質地濃稠、唔係偏水既咖喱
牛腩份量好多，起碼有成七、八舊，每舊都頗大。肉質稱唔上軟淋，可能選用部位脂肪較少，食到一絲絲既肉。略嫌牛腩唔夠入味，反而薯仔煮得綿密、軟淋，沾滿咖喱汁好惹味
身為包控，覺得法包好正！外皮香脆、內裏麵包體煙韌鬆軟，咖喱汁完美依附係麵包氣孔中，十分滿足！
鹹柑桔水(熱) $13
用料大方，超濃郁，酸中帶甜，真係有啲似係東南亞飲桔仔水既味道。飲完更加掛住去旅行既日子
整體而言，餐廳食物份量十足、味道亦唔錯。上菜速度都夠快，而且食物選擇好多，除左地道既越式名菜之外，仲有越式、台式特飲以及港式飲品，可以滿足唔同人既需要，食物種類亦更加多元化
安南性價比高
可以一試
张贴
