安南越式牛肉粉X越茶

营业中

休息中

經過見到新開業，坐低一試。我地叫咗兩碗粉麵+米紙卷。原本想叫生菜包，但係侍應可能啱啱返工唔太清楚有咩餡料，我地就放棄咗。上菜時，份量大到嚇一跳，連隔離枱都「哇 駛唔駛咁大碗」。火車頭嘅牛肉同牛丸好食。蕃茄湯底比較厚，酸酸甜甜好啱我口味。意外驚喜係米紙卷，皮薄煙韌，粉絲彈牙。落少少魚露酸甜汁好開胃。每塊份量都比正常大一倍。一開始覺得價錢有啲貴，睇到份量就覺得好抵食。見到隔離枱嘅二人火車頭個碗仲大過日式拉麵大碗，起碼夠兩大一細食。如果下次再食，我會直接叫一個米紙卷做主食，再加一兩個小食。