牛魔一人燒肉

营业中

休息中

而家好興啲一人燒肉，我都食過唔少間😝而呢間牛魔一人燒肉我係第一次黎架，旺角E2出口行一分鐘就到，真心方便。環境闊落光猛而且好乾淨！d set真係抵到爆，最平果個只係$48咋，大癲！我就因為極想食牛舌又有d肚餓，就揀左個大份少少嘅牛舌.牛五花.牛板腱套餐。$128包埋麵鼓湯，沙律，飯，性價比好高而且勁飽肚！三款牛好大塊下，牛味濃郁，真係唔錯！牛五花嘅牛紋幾靚，又唔會好肥，牛舌口感好好，非常推介。醬汁有三款可以自選，黑松露燒汁同蘋果燒汁新穎得黎又好食，好值得一試。沙律菜都幾新鮮，夾住舊牛食好解膩。