喜泰味

营业中

休息中

呢到位置好方便，地鐵站一出就係。呢到選擇都幾多下，同埋一開始會上蝦片。我同朋友叫左個蛋網鮮蝦炒金邊粉。平時食親PAD THAI都會辣辣地，呢個唔會辣，岩曬唔食得辣既我地。份量都幾多，鮮蝦大大隻，蛋皮煎得好薄。側邊有D花生碎，可以由自己簡要唔要撈埋落去食，個人覺得撈埋落去會香口D。另外，我地都叫左沙嗲雞肉串燒，有4 串，雞肉好大件，好厚肉，入面仲係嫩的。沙嗲醬夠濃郁，好香花生味。甜品就食左必食的芒果糯米飯，好驚喜! 芒果超級甜 ! 糯米飯一白一紫，上台時仲係熱辣辣。野飲就叫左杯泰式芒椰西米，椰汁味好重，同樣都係芒果好甜好滿足。咁樣一餐都係200幾，性價比幾高，而且位置又方便，下次黎開都會再食!