上海婆婆336 (iSQUARE國際廣場)

营业中

休息中

今日帶阿女去咗iSQUARE行街，係阿女排緊隊俾錢嘅時候，見到後面有間食上海嘅店舖🥰，原來就係一直想試好耐嘅上海婆婆336....餐廳地方好大，分左右兩邊，擺位一啲都唔迫，坐得好舒適，裝修又夠特色，充滿咗懷舊嘅氣息336上海小籠包 $46小籠包皮薄餡靚，肉與湯的比例剛好🥰，味足湯汁滿滿，食得好滿足😋。生煎鍋貼 $45外皮煎得金黄😍，係稍為厚咗少少😶，但餡料非常充足而且肉味鮮香。椰菜回鍋肉 $88回鍋肉份量多，肥瘦相間的五花腩肉🐖，肉質軟腍煮得入味，加上包心菜🥬及辣椒🌶一齊炒，整碟菜味道香濃又惹味😋。上海粗炒 $85麵條炒得非常出色，乾身又軟硬適中，色澤均勻，每條麵條都有陣陣醬香味😋，加上肉絲、東菇絲及大白菜一齊食，味道更豐富鮮香🤤。香辣炒土豆絲 $78這裏的土豆絲🥔炒到條條金黄香脆，晶瑩剔透，再加上適量的辣🌶，超級好吃😋。薑湯芝麻湯圓(2粒) $28富貴柿🍅造型好得意，芝麻湯圓外層軟糯，入面芝麻香味重🥰，而且有流心效果，非常好食🤤。新年🧧期間每枱會奉上雜錦脆片一客🥰。總括而言，價錢親民，而且每碟份量不少，仲可以揀少油少鹽，夠哂健康。