小島料理

营业中

休息中

小編特別喜歡街坊小店，近排發現咗另一間喺大角咀，一打開門，見到坐滿哂人以為冇位，好彩仲有位。店主打日式牛丼，係安格斯牛，亦有豬同雞，嗰牛井啲牛係慢煮，好似好吸引，就叫咗牛。題外話，嗰餐牌係漫畫畫，畫得好靚，好有日本風格，好似置身日本，讚。📌慢煮牛丼嗰牛丼係用安格斯牛肉，加上慢煮，肉質特別鮮嫩多汁，擺丼亦用心，牛肉呈鮮紅色，5大塊放成好似花瓣咁，好靚，中間有一個日本蛋黃，刺穿之後蛋漿滲入啲飯度攪勻食，加上秘製醬汁同乳酪醬，極似日本風味，仲有搭配清新雜菜同生菜絲，整個牛丼非常豐富，份量亦適中，怪不得好多人坐唔到裏面都要叫外賣。📌鬆餅(士多啤梨)小編仲叫咗一個甜品，係士多啤梨味鬆餅，小小一件，感覺清新又唔會太飽，店主話係日本直送唔係成日有貨，好彩今次食到，確實好味，作為飯後甜品就最好了。