加東 (德福廣場)

星期日嚟九龍灣行下，search到呢間新加坡菜新開上嚟試下。大概兩點啱啱過午飯時間，唔洗等位，喺門口等咗一陣等佢安排就入得。

環境乾淨，座位都幾闊落舒服。侍應態度幾好又快手。

1

同老公嗌咗一個飯一個喇沙，加一人一杯嘢飲。

新加坡喇沙

喇沙湯底好香椰汁味，夠哂香濃，都幾足料。

香草燒雞腿飯

香草燒雞髀飯呢，個雞係幾脆幾香口，亦有香味，不過略嫌乾咗啲，無乜肉汁，加上個飯無汁，所以成件事就好dry。好在有個冬瓜湯，可惜味精有啲多，都入得口嘅。

龍眼冰

香茅蓮蜜

我杯香茅薑味好夠薑不過唔係好蜜，飲到喉嚨都辣，如果天氣凍飲熱嘅應該幾正。

埋單我覺得幾抵食，有機會可以再嚟試下晚市咖喱啊，胡椒蟹之類