新羅寶韓國餐廳

营业中

休息中

鬧市入面要搵到好似呢間咁闊落、服務態度好、價錢又合理嘅韓國菜真系唔容易😄😄呢間韓國人開嘅餐廳，味道同份量都唔錯，＄488二人餐有：醃菜5小碟、煎餅3款、南瓜粥、燒肉拼盤（牛、豬、雞）、炒粉絲、石鍋飯、年糕餃子湯、飲品🤪🤪飽到一個點。 醃菜又凍又入味🤪🤪泡菜系韓國人辣度😄😄我自己最鍾意大豆芽😝😝醃得好香。 3款煎餅我都鍾意，最驚喜系薯仔煎餅，薯香唔油，調味剛剛好，好綿又有啲彈。蠔餅香過打冷鋪😝😝菜餅都唔錯。 🎃南瓜粥超級綿滑，味道香甜，淨系見到呢個橙黃色咁靚都好開心啦。 燒肉拼盤都幾驚喜。我印象中嘅燒肉系好咸同鞋。呢度嘅醃味都幾正，偏香甜，燒咗就好似細個食豬肉乾個陣味。但質感一啲都唔乾😝😝有一塊燒燶咗都仲食都香同油脂嘅香滑，但系一啲都唔膩😄😄。 粉絲都幾大碟，同埋都幾足料。調味唔太重，好啱用嚟送肉。 年糕餃子湯好香。年糕好多好入味、有咬口，餃子皮好滑。仲有啲紫菜絲🤓🤓 飲品比想像中大杯。🍋🍋柚子蜜都落得多。