雲南過橋米線

营业中

休息中

今日去開荃灣廣場買嘢，行行下有啲餓，兜去享和街食碗米線先。呢間鋪頭我食過好多次，比起連鎖店抵食夾大碗。我如常叫咗碗酸辣湯米線，今次配蘿蔔、蟹籽丸同小麻辣腩肉。呢度嘅蘿蔔超大舊，又夠甜。腩肉比較瘦，可以話係接近零肥肉，啱晒啲唔鍾意食太肥膩嘅人。我唔係太食得辣，呢種麻辣我都接受得到。推介埋我平時食開嘅自製韭菜餃，皮薄饀多，都唔錯架。另外，叫咗支黑豆漿 （外面比較少有）。呢支黑豆漿唔係太甜，飲落去有淡淡芝麻香味。嚟得呢間鋪頭食，你就預咗要坐得迫。成間舖得九張卡位坐枱，而每邊卡位坐兩個人嘅話都要肩並肩咁坐嘅。唔介意食完即閃，但求一碗抵食、味道算唔錯嘅米線，可以試吓呢間。同埋我搭到尾班車呀， 3月1號起又加價，越嚟越難搵一啲平靚正嘅嘢食啦。