Ha Noi 越南菜

营业中

休息中

今日同男友去［Ha Noi］食越南菜，位於重慶大廈地庫heath，原來個度都有好多新食店好吸引。呢間餐廳價錢抵食，份量又足，而且味道好好。極品牛三寶湯河粉 $70有齊生牛肉、牛丸、牛展，生牛肉用熱湯燙熟，特別鮮嫩，個種滑溜真係好嫩，唔係肥牛個D 油滑，係細膩質感的嫩。牛展入口牛味濃郁，肉質鬆化。牛丸非常爽彈，多汁好咬。個湯真係好濃牛味，而且唔油膩很好飲，河粉份量十足，仲好順滑。越式咖哩牛腩飯 $62上菜已經好香咖哩味，越式咖哩都好香濃，多份越式香料味，更清新唔膩。牛腩份量好多，有成8-9粒，肉質鬆化軟腍，厚切粒狀非常好咬口，牛味突出，薯仔粉綿又吸咖哩汁，個汁拌飯好正。追加小食 越式豬頸肉 $29豬頸肉燒到好香，入口有豬既油脂香，爽口微彈，沾甜辣醬更惹味。凍越南滴漏咖啡 $18其特色係濃郁咖啡加煉奶，估唔到好飲，味道有少少似mocha，滴漏咖啡好香濃，再拌勻底層厚厚的煉奶，甜度剛好，奶滑啡香。鮮芒果西米露 $12係飲得既甜品，香甜滑既椰汁西米露，加好多鮮芒果粒，果香甜美，西米係大粒好有口感。